​ئامىر خاننىڭ يېڭى كىنوسىنىڭ ۋەقەلىكى ئاشكارىلىنىپ كەتتى!

ئامىر خان (Aamir Khan)، كارېننا كاپۇر خان (Kareena Kapoor Khan) باش رول، ناگا چايتانيا (Naga Chaitanya) ۋە مونا سىڭ (Mona Singh) ئاساسلىق رول ئالغان «چادھا بولۇمسىزمۇ؟» (Laal Singh Chaddha) ناملىق كىنو ھوللىۋود كىنوسى «فوررېست گامپ»دىن ئۆزگەرتىپ ئىشلەنگەن بولۇپ، ئادۋايت چاندان رېژىسسورلۇق قىلغان. بۇ كىنو 8-ئاينىڭ 11-كۈنى قويۇلىدۇ. تەشۋىق فىلىمى ئېلان قىلىنغاندىن كېيىن بىر قىسىم تورداشلار بۇ كىنوغا قارشى تۇرىدىغان سەلبىي ھەرىكەتنى باشلاپ، ئالاقىدار ئورۇنلارنىڭ كىنونىڭ قويۇلۇشىنى چەكلەشكە مۇراجىئەت قىلدى. بۇ كىنونىڭ ۋەقەلىكى 1984-يىلدىكى مەلۇم بىر ئىشقا مەركەزلەشكەن بولۇپ، كىنودا شۇ ئىشقا مۇناسىۋەتلىك بىر قانچە ۋەقە كۆرۈلىدۇ. بۈگۈن يەنە «چادھا بولۇمسىزمۇ؟»نىڭ كۆپلىگەن كۆرۈنۈشلىرى توردا كەڭ تارقالدى ۋە تېخىمۇ كۆپ كىشى كىنوغا نارازىلىق بىلدۈرۈپ، ۋەقەلىكتىن بەكلا بىئارام بولغانلىقىنى بىلدۈردى.

تورداشلارنىڭ سۆزىگە قارىغاندا، كىنودا كۆپلىگەن كىشىلەر قوبۇل قىلالمايدىغان ۋەقەلىكلەر ئەكىس ئەتتۈرۈلگەن بولۇپ، ئەگەر كىنوخانىلاردا قويۇلۇپ قالسا كۈتۈلمىگەن ئەھۋاللار كۆرۈلۈشى مۇمكىن ئىكەن. ئۇنىڭدىن باشقا، كارېننا كاپۇر خان كىنودا زەھەر ئەتكەسچىسىنىڭ رولىنى ئالغان، ئامىر خان رولىنى ئالغان يىگىت ئۇنى ياخشى كۆرۈپ قالىدىغان، ئىككىسى تويسىز بالىلىق بولىدىغان بولۇپ، تورداشلار بۇ ۋەقەلىكنىمۇ قوبۇل قىلالمىغان.