بوللىۋودتىكى داڭلىق چولپان ئانامىكا مۇكاپات تارقىتىش مۇراسىمىنى تۈگىتىپ بولۇپ، يېرىم كېچىدە ئۆيىگە قايتىپ كېلىپ، پۇتىنىڭ ئۇچىدا دەسسەپ ھۇجرىسىغا كىرىدۇ. قىزىق يېرى، ئۇ ھۇجرىسىغا شۇ كىرگەنچە ئەتىسى ئەتىگەندە ئىز-دېرەكسىز غايىپ بولىدۇ. چولپان ئايالىنىڭ تۇيۇقسىز غايىپ بولغانلىقىدىن پەرىشان بولغان ئېرى ۋە بەڭباش ئوغلى ھاۋى ئانامىكا يوقاپ كېتىشتىن بۇرۇنقى ھەر بىر ئىشنى ئەسلەشكە باشلايدۇ. بىر كۈنى ئانامىكا سۈرەتكە ئېلىش مەيدانىدا تۇرغاندا مېيىپ سىياقىغا كىرىۋالغان تەلۋە مەستانىسى ئۇنىڭ بىلەن سۈرەتكە چۈشمەكچى بولىدۇ، بىراق دەل مۇشۇ ۋاقىتتا ھاۋىنىڭ شۇم خەۋىرى كېلىپ، ئۇ ئۇچقاندەك ئۆيىگە يۈرۈپ كېتىدۇ. ھېلىقى تەلۋە مەستانە ئىككى كۆزىگە قان تولغان ھالدا ئورنىدىن چاچراپ تۇرىدۇ. بۇ كاززاپنىڭ ئانامىكانىڭ سىرلىق يوقاپ كېتىشى بىلەن بىرەر ئالاقىسى بارمىدۇ؟ ئانامىكا زادى نېمە سەۋەبتىن يوقىلىپ كەتتى؟