1941-يىلى تىنچ ئوكيان ئۇرۇشى پارتلىغاندىن كېيىن، شەندۇڭ چېگراسى ئىچىدىكى تيەنجىن-پۇكۇ تۆمۈر يولىنى كېسىپ ئۆتۈپ، ياپونىيە ئارمىيەسىنىڭ جۇڭگو چوڭ قۇرۇقلۇقىدىكى ئەڭ مۇھىم ئىستراتېگىيەلىك قاتناش لىنىيەسىنىڭ بىرىگە ئايلانغان. تيەنجىن- پۇكۇ تۆمۈريولىنىڭ زاۋجۇاڭ دېگەن يېرىنىڭ ئەتراپىدا ياپون باسقۇنچىلىرىغا قارشى خەلق پارتىزانلار ئەترىتى بار، بۇ پارتىزانلار ئەترىتى ئاساسلىقى زاۋجۇاڭ ۋوگزالىدىكى بىرنەچچە تۆمۈريول ئىشچىسىدىن تەركىب تاپقان، ئەترەت باشلىقىنىڭ ئىسمى مايۈەن بولۇپ، پويىز ئىستانسىسىنىڭ يۈك توشۇغۇچى ئىش بېشى ئىدى. ئۇلار كۈندۈزى ياپونلار ئىگىلىۋالغان ھەم باشقۇرۇۋاتقان پويىز ئىستانسىسىدا ئىشلەيدۇ، كېچىسى مەخپىي ھەرىكەت قىلىدۇ، تۆمۈريول لىنىيەسىگە بولغان تونۇش ۋە پويىزغا ئېسىلىۋالىدىغان، پويىز ھەيدەيدىغان ئالاھىدە ماھارىتىدىن پايدىلىنىپ، بىر كىچىك پارتىزانلار ئەترىتى بىلەن زور تۈركۈمدىكى ئەسلىھەلىرى سەرخىل ياپونىيە مۇنتىزىم ئارمىيەسى بىلەن ئېلىشىپ، ئىنتايىن زور تەسىر پەيدا قىلىدۇ، شۇ جايدىكى پۇقرالار بۇ ئەترەتنىڭ نامىنى چىقىرىپ، تۆمۈريول ئۇچار يولۋاس ئەترىتى دەپ ئاتايدۇ