يېڭى 4-ئارمىيە جەڭچىسى شۈنليۇ خائىن قوماندانغا يوشۇرۇن زەربە بېرىۋاتقاندا، 6-شۆبە ھەربىي رايونىنىڭ قوماندانى چېن دالېينىڭ دۇبۇلغىسىنى ئېتىۋېتىدۇ. چېن دالېي شۇنچە يىراقتىنمۇ نىشانغا توغرا ئاتالايدىغان بۇ مەرگەن شۈنليۇنى ئەتىۋارلاپ، ئۇنىڭ بىلەن ئاكا-ئۇكا بولۇشىدۇ ھەمدە شۈنليۇغا «چېن ئېرلېي» دەپ يېڭى ئىسىم قويىدۇ. شۈنليۇ چېن دالېي ۋە 3-يىڭنىڭ كوماندىرىنىڭ ئۆستۈرۈشى بىلەن كۆپ قېتىم خىزمەت كۆرسىتىپ، ياپونىيە ئارمىيەسىنىڭ يېڭى تىپتىكى مەرگەن مىلتىقىنى ئولجا ئېلىپ، ئارمىيەدىكى مەرگەن، جەڭ قەھرىمانى ۋە رىۋايەتلىك شەخسكە ئايلىنىدۇ، ئەمما كۈندىن-كۈنگە ھەربىي بۇيرۇققا بويسۇنمايدىغان بولۇپ قالىدۇ. ياپونىيە ئارمىيەسىنىڭ لېيتېنانت گېنېرالى ئىشىخاراغا قارىتىلغان بىر قېتىملىق پىستىرمىدا، شۈنليۇ ئۆز كۆزى بىلەن ئاچىسى ۋە يېزنىسىنىڭ ئۆلتۈرۈلگەنلىكىنى كۆرۈپ تۇرسىمۇ يىلاننى ئۈركۈتۈپ قويماسلىق ئۈچۈن ئۆزىنى ناھايىتى كونترول قىلىپ تۇرىدۇ، ئەپسۇس ئۇ تېخى ئۆچ ئالماي تۇرۇپ ئىككىنچى دۇنيا ئۇرۇشى ئاخىرلىشىدۇ، ياپونىيە ئارمىيەسىمۇ تەسلىم بولغانلىقىنى جاكارلايدۇ، شۇ ئەسنادا شۈنلىيۇ ئۇرۇش توختىتىش كېلىشىمىگە پىسەنت قىلماي، ئۆز مەيلىچە ئىشىخارانى ئىزدەپ بارىدۇ. شۈنليۇ راستىنلا بۇيرۇققا بويسۇنماي ئېغىر ئاقىۋەت ئېلىپ كېلەرمۇ؟ چېن دالېي بۇ ئىنىسىنى توسۇپ قالالامدۇ؟