بۇ تىياتىردا چىڭ سۇلالىسىنىڭ چيەنلوڭ يىللىرىدا چىرايلىق، نازاكەتلىك قىز شيا زىۋېي بىلەن دېدەك جىن سو جىنەننىڭ دامىڭخۇ كۆلىدىن پايتەختكە بېرىپ، چوڭ كوچىدا قەۋم سارىيىدىكى لياڭ بەگنىڭ تەختىراۋانىنى توسۇۋالغانلىقى ئۈچۈن تاياق يەۋاتقاندا، بازاردا ئويۇن قويۇۋاتقان شياۋيەنزى ۋە ليۇ ئائىلىسىدىكى ئاكا-سىڭىللارنىڭ ياردىمىگە ئېرىشپ قۇتۇلۇپ قالىدۇ ھەمدە شياۋيەنزى بىلەن زىۋېي يېقىن دوستلاردىن بولۇپ قالىدۇ. دوستلۇقىنىڭ چوڭقۇرلىشىشىغا ئەگىشىپ، زىۋېي شياۋيەنزىگە ئۆز كەچۈرمىشىنى سۆزلەپ بېرىدۇ، ئەسلىدە ئۇ خاننىڭ ئۆز قىزى بولۇپ. زىۋېينىڭ خان ئاتىسى بىلەن تونۇشۇشىغا ياردەم بېرىش ئۈچۈن، شىياۋيەنزى ئۇنىڭغا زور كۈچ بىلەن ياردەم قىلىدۇ، نەتىجىدە ئۇلار ئوردىغا كىرىپ مەلىكە بولىدۇ. كەپسىز شىياۋيەنزى بىلەن ئېغىر-بېسىق زىۋېي كەسكىن ئوردا تۇرمۇشىغا زادىلا كۆنەلمەيدۇ، كۆپلىگەن كۈلكىلىك ئىشلار، چاتاق چىقىرىشلاردىن كېيىن، ئىككەيلەن ئۆز مۇھەببىتىنىمۇ تاپقاندەك بولىدۇ. شياۋيەنزى بىلەن زىۋېي ئوردىدا قانداق كۈن كەچۈرىدۇ؟ ئۇلار كىملەرنى ياخشى كۆرۈپ قالىدۇ؟