جۇڭگونىڭ ئالاھىدە خادىمى ليۇ جيەن بۇيرۇققا بىنائەن پارىژغا بېرىپ، ساقچى ئىدارىسىنىڭ شۇ جايدىكى زەھەر ئەتكەسچىلىك گۇرۇھىنى پاش قىلىشىغا ياردەملەشتى. ۋەزىپە ئىنتايىن سەزگۈر بولغاچقا، يۇقىرى دەرىجىلىك ئورۇنلار ليۇ جيەنگە كونكرېت ۋەزىپە تەپسىلاتىنى ئۇقتۇرمىدى. ئۇ پارىژغا يېتىپ بارغاندىن كېيىن، ھەمكارلاشقان ساقچى ئىدارىسىنىڭ يۇقىرى دەرىجىلىك رازۋېدچىكى رىچارد بىلەن كۆرۈشتى. ليۇ جيەن تۇنجى قېتىم رىچارد بىلەن يۈز كۆرۈشكەندە، ئۇنىڭ بىر جىنايەت گۇماندارىنى ئۇرۇپ ئۆلتۈرگەنلىكىنى ئۆز كۆزى بىلەن كۆرگەن. ئۇ ئەمەلىيەتتە زەھەر ئەتكەسچىلىك گۇرۇھىنىڭ ئەزاسى بولۇپ، ليۇ جيەننى قەستلەپ ئۆلتۇرۇشنى پىلانلىغان ھەمدە ئۇنىڭغا قارا چاپلىغان. چەبدەس، پەم-پاراسەتلىك ليۇ جيەن رىچاردنىڭ نەچچە ئون لۈكچىكىنىڭ قوغلاپ زەربە بېرىشىنى ئۆزى يالغۇز چېكىندۈرۈپ، مۇۋەپپەقىيەتلىك ھالدا قۇتۇلۇپ چىقىپ، ئامېرىكىلىق جېشكا بىلەن تونۇشتى. جېشكانىڭ قىزى رىچارد تەرىپىدىن تۇتقۇن قىلىنغان، ئۆزىمۇ زەھەر چەككەنلىكى ئۈچۈن رىچاردنىڭ مەجبۇرلىشى بىلەن پاھىشە بولۇپ قالغان. رىچاردنىڭ تۆھمەت قىلىشى بىلەن، ليۇ جيەن قەستلەش جىنايىتى بىلەن ئەيىبلەندى.