بۇ فىلىمدا دىنوزاۋرلارنىڭ نەسلى قۇرۇپ كەتكەندىن كېيىنكى نەچچە مىليون يىللىق تارىختىن بۇرۇنقى يېڭى ئېرا مۇزلۇق دەۋرى بايان قىلىنغان، سىزنى ۋاقىت ئوقىدىن ھالقىتىپ، نەچچە مىليون يىل ئىلگىرىكى مۇز دەۋرىنىڭ ھەيۋەتلىك ۋە خەتەرلىك دۇنياسىغا باشلاپ كىرىدۇ. پۈتۈن يەر شارى قېلىن مۇز ۋە قار ئاستىدا قالغان، زېمىننى ئاپئاق جىمجىتلىق باسقان بۇ دەۋردە، ھاياتلىق ئۈچۈن ئەڭ كەسكىن كۈرەشلەر داۋام قىلماقتا ئىدى. فىلىمدە، قەدىمكى دەۋرنىڭ ھۆكۈمرانلىرىدىن بولغان گىگانت يۇڭلۇق مامونتلار (Woolly Mammoths) ۋە چىشلىرى خەنجەردەك ئۆتكۈر «خەنجەر چىشلىق يولۋاسلار» (Saber-toothed cats)نىڭ ھېكايىسى جانلاندۇرۇلىدۇ. ئۇلار پەقەت بىر-بىرى بىلەن ئوۋ ۋە ئوۋچى بولۇپ ئېلىشىپلا قالماستىن، بەلكى مىليونلىغان يىللاردىن بۇيان كۆرۈلۈپ باقمىغان ئەڭ قەھرىتان سوغۇققا تاقابىل تۇرۇپ، ئۆز نەسلىنى ساقلاپ قېلىش ئۈچۈن تەبىئەتنىڭ رەھىمسىز سىناقلىرى بىلەن كۈرەش قىلىدۇ. تارىختىكى ئەڭ سوغۇق تېمپېراتۇرىدا جانلىقلارنىڭ قانداق ھايات كەچۈرگەنلىكىنى، ئاجايىپ گرافىك ۋە رېئاللىققا يېقىن كۆرۈنۈشلەر ئارقىلىق ھېس قىلماقچى بولسىڭىز بۇ فىلىمنى قولدىن بەرمەڭ...