قوتاز كەبى كۈچتۈڭگۈر يىگىت مانۇ ئاچقان چېنىقىش سارىيىنىڭ سودىسى كاسات بولغاچ ئۇ كۆپرەك خېرىدار جەلپ قىلىش ئۈچۈن بىر تەنناز ئۇسسۇلچى قىزنى تەكلىپ قىلىپ، ئۇسسۇل كۇرسى ئورۇنلاشتۇرىدۇ. شۇنىڭ بىلەن چېنىقىش زالىغا تەنناز قىزلار ۋە قىزلارنى دەپ كەلگەن شاش يىگىتلەر يىغىلىپ سودىسى ئوت بولىدۇ. مانۇ بىلەن مانۋېيمۇ بارا-بارا بىر-بىرىگە كۆڭلى چۈشۈپ، مۇھەببەت دېڭىزىغا غەرق بولىدۇ. ئۇلار مۇھەببەتنىڭ قەنتىنى چېقىپ يۈرگەن كۈنلەرنىڭ بىرىدە مانۇ مانۋېيغا توي تەكلىپى قويىدۇ. بىراق مانۋېي يىغلاپ تۇرۇپ ئۆزىنىڭ ئەمەلىيەتتە جىنىس ئۆزگەرتكەن «قىز» ئىكەنلىكىنى ئېيتىدۇ. بىچارە مانۇ چىن دىلىدىن سۆيگەن «قىز»نىڭ قىز چىقماي قالغانلىقىنى قوبۇل قىلالامدۇ؟ مانۋېي نېمە سەۋەبتىن جىنىس ئۆزگەرتكەن؟